banner image

Home   ur   Surah Taha   ayat 108   Translation   Tafsir  

یَوْمَىٕذٍ یَّتَّبِعُوْنَ الدَّاعِیَ لَا عِوَجَ لَهٗۚ-وَ خَشَعَتِ الْاَصْوَاتُ لِلرَّحْمٰنِ فَلَا تَسْمَعُ اِلَّا هَمْسًا(108)

ترجمہ: کنزالایمان   اس دن پکارنے والے کے پیچھے دوڑیں گے اس میں کجی نہ ہوگی اور سب آوازیں رحمٰن کے حضور پست ہوکر رہ جائیں گی تو تُو نہ سنے گا مگر بہت آہستہ آواز۔   ترجمہ: کنزالعرفان   اس دن پکارنے والے کے پیچھے چلیں گے(لوگوں کی طرف سے)اس داعی کے لئے اِدھراُدھرہونا نہ ہوگا اور سب آوازیں رحمٰن کے حضو ر پست ہوکر رہ جائیں گی تو تُو ہلکی سی آواز کے سوا کچھ نہ سنے گا۔  

تفسیر: ‎صراط الجنان

یَوْمَىٕذٍ یَّتَّبِعُوْنَ الدَّاعِیَ :اس دن پکارنے والے کے پیچھے چلیں  گے ۔}  ارشاد فرمایا کہ جس دن پہاڑ ریزہ ریزہ کر کے اڑا دئیے جائیں  گے اس دن لوگ قبروں  سے نکلنے کے بعد پکارنے والے کے پیچھے چلیں  گے جو انہیں  قیامت کے دن مَوقِف کی طرف بلا ئے گا اور ندا کرے گا: رحمٰن  عَزَّوَجَلَّ  کے حضور پیش ہونے کے لئے چلو ، اور یہ پکارنے والے حضرت اسرافیل  عَلَیْہِ    السَّلَام  ہوں  گے ۔ لوگ اس بات پر قادر نہ ہو ں  گے کہ وہ دائیں  بائیں  مڑ جائیں  اور اس کے پیچھے نہ چلیں  بلکہ وہ سب تیزی سے پکارنے والے کے پیچھے چلیں  گے اور اس دن سب آوازیں  رحمٰن کے حضو ر ہیبت و جلال کی وجہ سے پَست ہوکر رہ جائیں  گی اور حال یہ ہو گا کہ تو ہلکی سی آواز کے سوا کچھ نہ سنے گا۔ اس کی کیفیت کے بارے حضرت  عبد اللہ  بن عباس  رَضِیَ    اللہ    تَعَالٰی    عَنْہُمَا نے فرمایا ’’وہ ہلکی سی آواز ایسی ہو گی کہ اس میں  صرف لبوں  کی جنبش ہوگی۔  روح البیان، طہ، تحت الآیۃ :  ۱۰۸ ،  ۵ / ۴۲۸ ،  خازن، طہ، تحت الآیۃ :  ۱۰۸ ،  ۳ / ۲۶۴ ،  جلالین، طہ، تحت الآیۃ :  ۱۰۸ ، ص ۲۶۷ ،  ملتقطاً