banner image

Home   ur   Surah Al Yusuf   ayat 89   Translation   Tafsir  

قَالَ هَلْ عَلِمْتُمْ مَّا فَعَلْتُمْ بِیُوْسُفَ وَ اَخِیْهِ اِذْ اَنْتُمْ جٰهِلُوْنَ(89)

ترجمہ: کنزالایمان   بولے کچھ خبر ہے تم نے یوسف اور اس کے بھائی کے ساتھ کیا کیا تھا جب تم نادان تھے۔   ترجمہ: کنزالعرفان   یوسف نے فرمایا: کیا تمہیں معلوم ہے جو تم نے یوسف اور اس کے بھائی کے ساتھ کیا تھا جب تم نادان تھے۔  

تفسیر: ‎صراط الجنان

قَالَ یوسف نے فرمایا۔}  بھائیوں   کا یہ حال سن کر حضرت یوسف  عَلَیْہِ الصَّلٰوۃُ وَالسَّلَام  پر گریہ طاری ہوگیا اور مبارک آنکھوں    سے آنسو جاری ہوگئے اور فرمایا کیا   حضرت یوسف  عَلَیْہِ الصَّلٰوۃُ وَالسَّلَام  کو مارنا ،کنوئیں   میں   گرانا، بیچنا، والد صاحب سے جدا کرنا اور اُن کے بعد اُن کے بھائی کو تنگ رکھنا، پریشان کرنا تمہیں   یاد ہے اور یہ فرماتے ہوئے حضرت یوسف  عَلَیْہِ الصَّلٰوۃُ وَالسَّلَام  کو تبسم آگیا اور اُنہوں نے آپ کے گوہرِ دندان کا حسن دیکھ کر پہچانا کہ یہ تو جمالِ یوسفی کی شان ہے۔  مدارک، یوسف، تحت الآیۃ :  ۸۹ ، ص ۵۴۳ ،  خازن، یوسف، تحت الآیۃ :  ۸۹-۹۰ ،  ۳ / ۴۲ ،  ملتقطاً