اللہ کے نام سے شروع جو نہایت مہربان ، رحمت والاہے ۔

حم۔

اس روشن کتاب کی قسم۔

بیشک ہم نے اسے برکت والی رات میں اتارا،بیشک ہم ڈر سنانے والے ہیں ۔

اس رات میں ہر حکمت والا کام بانٹ دیا جاتا ہے۔

ہمارے پاس کے حکم سے ،بیشک ہم ہی بھیجنے والے ہیں ۔

تمہارے رب کی طرف سے رحمت ہے، بیشک وہی سننے والا، جاننے والا ہے۔

وہ جو رب ہے آسمانوں اور زمین اور جو کچھ ان کے درمیان ہے سب کا،اگر تم یقین رکھنے والے ہو۔

اس کے سوا کوئی معبود نہیں ، وہ زندگی دیتا ہے اور موت دیتا ہے ،وہ تمہارا رب اور تمہارے اگلے باپ دادا کا رب ہے۔

بلکہ وہ کافر شک میں پڑے کھیل رہے ہیں ۔

تو تم اس دن کے منتظر رہو جب آسمان ایک ظاہر دھواں لائے گا۔

جولوگوں کو ڈھانپ لے گا۔یہ ایک دردناک عذاب ہے ۔

۔ (اس دن کہیں گے) اے ہمارے رب!ہم سے عذاب دور کردے، ہم ایمان لاتے ہیں ۔