banner image

Home ur Surah Al Ala ayat 15 Translation Tafsir

اَلْاَعْلٰی

Al Ala

HR Background

وَ ذَكَرَ اسْمَ رَبِّهٖ فَصَلّٰى(15)

ترجمہ: کنزالایمان اور اپنے رب کا نام لے کر نماز پڑھی۔ ترجمہ: کنزالعرفان اور اس نے اپنے رب کا نام لے کر نماز پڑھی۔

تفسیر: ‎صراط الجنان

{وَ ذَكَرَ اسْمَ رَبِّهٖ فَصَلّٰى: اور اس نے اپنے رب کا نام لے کر نماز پڑھی۔} یعنی اور اس نے نماز شروع کرنے کی تکبیر کہہ کر پانچوں  نمازیں  پڑھیں ۔ اس آیت سے نماز شروع کرنے کی تکبیر ثابت ہوئی اور یہ بھی ثابت ہوا کہ وہ نماز کا حصہ نہیں  ہے کیونکہ نماز کا اس پر عطف کیا گیا ہے اور یہ بھی ثابت ہوا کہ اللّٰہ تعالیٰ کے ہر نام سے نماز شروع کرنا جائز ہے۔ بعض مفسرین نے یہ کہاہے کہ ’’تَزَكّٰى‘‘ سے صدقۂ فطر دینا اور رب کا نام لینے سے عید گاہ کے راستے میں  تکبیریں  کہنا اور نماز سے نماز عید مراد ہے۔( مدارک، الاعلی، تحت الآیۃ: ۱۵، ص۱۳۴۱، تفسیرات احمدیہ، الاعلی، ص۷۴۰، ملتقطاً)