اللہ کے نام سے شروع جو نہایت مہربان ، رحمت والاہے ۔

مجھے قیامت کے دن کی قسم ہے۔

اور مجھے اس جان کی قسم ہے جو اپنے اوپر ملامت کرے۔

کیا آدمی یہ سمجھتا ہے کہ ہم ہرگز اس کی ہڈیاں جمع نہ فرمائیں گے۔

کیوں نہیں ہم اس بات پر قادر ہیں کہ اس کے انگلیوں کے پوروں (تک) کو ٹھیک کردیں ۔

بلکہ آدمی چاہتا ہے کہ وہ اپنے آگے کو جھٹلائے ۔

پوچھتا ہے :قیامت کا دن کب ہوگا؟

توجس دن آنکھ دہشت زدہ ہوجائے گی۔

اور چاندتاریک ہوجائے گا۔

اور سورج اور چاند کو ملا دیا جائے گا ۔

اس دن آدمی کہے گا: بھاگنے کی جگہ کہاں ہے؟

ہرگز نہیں ،کوئی پناہ نہیں ہوگی۔

اس دن تیرے رب ہی کی طرف جاکر ٹھہرنا ہے۔

اس دن آدمی کو اس کا سب اگلا پچھلا بتادیا جائے گا۔

بلکہ آدمی خود ہی اپنے حال پر پوری نگاہ رکھنے والا ہوگا ۔

اگرچہ اپنی سب معذرتیں لا ڈالے ۔

تم یاد کرنے کی جلدی میں قرآن کے ساتھ اپنی زبان کو حرکت نہ دو۔