اللہ کے نام سے شروع جو نہایت مہربان ، رحمت والاہے ۔

سختی سے جان کھینچنے والوں کی قسم۔

اور نرمی سے بند کھولنے والوں کی۔

اور آسانی سے تیرنے والوں کی۔

پھر آگے بڑھنے والوں کی۔

پھر کائنات کا نظام چلانے والوں کی (اے کافرو!تم پرقیامت ضرور آئے گی) ۔

جس دن تھرتھرانے والی تھر تھرائے گی ۔

اس کے پیچھے آئے گی پیچھے آنے والی۔

دل اس دن خوفزدہ ہوں گے۔

ان کی آنکھیں جھکی ہوئی ہوں گی۔

کافر کہتے ہیں : کیابیشک ہم ضرور پھر الٹے پاؤں پلٹیں گے۔

کیا اس وقت جب ہم گلی ہڈیاں ہوجائیں گے؟

کہنے لگے: جب تویہ پلٹنا نقصان کا پلٹنا ہے۔

تو وہ (پھونک) تو ایک جھڑکنا ہی ہے۔

تو فوراً وہ کھلے میدان میں آپڑے ہوں گے۔

کیا تمہیں موسیٰ کی خبر آئی۔

جب اسے اس کے رب نے پاک جنگل طویٰ میں ندا فرمائی۔

(فرمایا) کہ فرعون کے پاس جا، بیشک وہ سرکش ہوگیا ہے۔

تواس سے کہہ: کیا تجھے اس بات کی طرف کوئی رغبت ہے کہ تو پاکیزہ ہوجائے ؟

اور یہ کہ میں تجھے تیرے رب کی طرف راہ بتاؤں تو تو ڈرے۔