اللہ کے نام سے شروع جو نہایت مہربان ، رحمت والاہے ۔

آسمان کی اور رات کو آنے والے کی قسم۔

اورتمہیں کیا معلوم کہ رات کو آنے والا کیا ہے؟

خوب چمکنے والا ستارا ہے۔

کوئی جان نہیں مگر اس پر نگہبان موجود ہے۔

انسان کو غور کرنا چاہئے کہ اسے کس چیز سے پیدا کیا گیا۔

اچھل کر نکلنے والے پانی سے پیدا کیا گیا۔

جو پیٹھ اور سینوں کے درمیان سے نکلتا ہے ۔

بیشک اللہ اس کے واپس کرنے پر ضرورقادر ہے۔

جس دن چھپی باتوں کو جانچا جائے گا ۔

تو آدمی کے پاس نہ کچھ قوت ہوگی اورنہ کوئی مددگار۔

اس آسمان کی قسم جولوٹ لوٹ کر برستا ہے ۔

اور پھاڑی جانے والی زمین کی۔

بیشک قرآن ضرور فیصلہ کردینے والا کلام ہے ۔

اور وہ کوئی ہنسی مذاق کی بات نہیں ہے۔

بیشک کافر اپنی چالیں چل رہے ہیں ۔

اور میں اپنی خفیہ تدبیر فرماتا ہوں ۔

تو تم کافروں کو ڈھیل دو، انہیں کچھ تھوڑی سی مہلت دو۔