اللہ کے نام سے شروع جو نہایت مہربان ، رحمت والاہے ۔

اپنے رب کے نام کی پاکی بیان کروجو سب سے بلند ہے۔

جس نے پیدا کرکے ٹھیک بنایا۔

اور جس نے اندازے پر رکھا پھر راہ دکھائی۔

اور جس نے چارہ نکالا۔

پھر اسے خشک سیاہ کردیا۔

(اے حبیب!)اب ہم تمہیں پڑھائیں گے تو تم نہ بھولو گے۔

مگر جو اللہ چاہے بیشک وہ ہر کھلی اور چھپی بات کوجانتا ہے۔

اور ہم تمہارے لئے آسانی کا سامان کردیں گے۔

تو تم نصیحت فرماؤ اگر نصیحت فائدہ دے۔

عنقریب وہ نصیحت مانے گاجو ڈرتا ہے ۔

اور نصیحت سے وہ بڑا بدبخت دور رہے گا۔

جو سب سے بڑی آگ میں جائے گا۔

پھروہ نہ اس میں مرے گا اور نہ جئے گا۔

بیشک جس نے خود کو پاک کرلیا وہ کامیاب ہوگا۔

اور اس نے اپنے رب کا نام لے کر نماز پڑھی۔

بلکہ تم دنیاوی زندگی کو ترجیح دیتے ہو۔

اور آخرت بہتر اور باقی رہنے والی ہے۔

بیشک یہ بات ضرور اگلے صحیفوں میں ہے۔

ابراہیم اور موسیٰ کے صحیفوں میں ۔